Выберите шрифт Arial Times New Roman
Интервал между буквами (Кернинг): Стандартный Средний Большой
Интересное /
Икlыгъэ мэфэкум искусствэхэмкlэ кlэлэцlыкlу еджапlэу Хьагъэудж Мыхьамэт ыцlэ зыхьырэм щы-жъотыгъ. Лъэпкъыбзэм, шэн-хэбзэ зэхэтыкlэхэм якъызэтегъэнэн, адыгэм инепэрэ инеущырэ - мы lофыгъохэр лъапсэ зыфэхъугъэ зэдэгущыlэгъу Кощхьэблэ районым щыпсэухэрэмэ адашlыгъ адыгэ лъэпкъым итхэкlо цlэрыlоу, lофшlэнымкlэ Урысыем илlыхъужъэу Мэщбэшlэ Исхьакъ, шlэныгъэлэжьэу Бырсыр Батырбый, Адыгэ хэку хасэм итхьаматэу Лlымыщыкъо Рэмэзан. lофтхьабзэм хэлэжьагъэх Кощхьэблэ районым ипащэу Хьамырзэ Заур, районым щыпсэурэ нэжъ-lужъхэр, кlэлэегъаджэхэр, кlэлэеджакlохэр. Зэlукlэр зэрищагъ Кощхьэблэ районым и «Адыгэ хасэ» итхьаматэу Нэпшlэкъуй Амин.
Кощхьэблэ районым щыпсэухэрэм заlуагъэкlэным ыпэу хьакlэхэр еблэгъагъэх джырэблагъэ агъэкlэжьыгъэ кlэлэцlыкlу тхылъеджапlэм. Алъэгъугъэр ахэм лъэшэу агу рихьыгъ ыкlи осэшхо къыфашlыгъ.
Зэlукlэр къызэlуихызэ, Нэпшlэкъуй Амин къы-кlигъэтхъыгъ: lофтхьабзэр зыфызэхащагъэр, ыпэ рапшlэу, ныбжьыкlэхэр арых.
- Силъэпкъыбзэкlэ силъэпкъэгъухэм садэгущыlагъ, сыгу илъыр сироманхэмкlэ къисlотыкlыгъ, уадыгэу дунаим утетмэ, ащ узэрэрыгушхон фаер, убзэрэ уихабзэрэ тыдэ ущыlэми къызэрэхэбгъэлыдыкlын фаер лlыхъужъэу къэстыгъэхэм къязгъэlуагъ. А зэпстэур зыфэстхыгъэр шъоры – къыткlэхъухьэхэу, тилъэпкъ ыпэкlэ лъызгъэ-кlотэщтхэр арых! - мыщ фэдэ гущыlэхэмкlэ щысхэм закъы-фигъэзагъ Мэщбэшlэ Исхьакъ. Ищыlэныгъэ гъогу къыхэхыгъэ къэбархэр, итхыгъэхэм къащигъэлъэгъогъэ тарихъ нэкlубгъохэр, ыкlи ахэр непэрэ мафэм зэрепхыгъэ шlыкlэхэр - бэ тхэкlо цlэрыlом къыlотагъэр. Ау зэпстэури зэрипхыжьыщтыгъэр зы – уилъэпкъ шlу плъэгъун, уихабзэ зепхьан фае.
Мы шъыпкъэм шlэныгъэм ылъэныкъокlэ еплъыкlэу щыlэхэм щысхэр щигъэгъозагъэх Бырсыр Батырбий. Шlэныгъэлэжьым убыххэр щысэу къыхьыгъ - яцlыфышъхьэ псэуми, абзэ зэрэкlодыгъэм къыхэкlэу, лъэпкъыр зэрэщымыlэжьыр ащ къыкlигъэтхъыгъ.
Зытегущыlэхэрэ lофыгъом Адыгэ Республикэм и Лlышъхьэу Къумпlыл Мурат къыщегъэжьагъэу Адыгэ хасэм илlыкlохэм анэсыжьэу зэригъэгумэкlыхэрэр, ыкlи ащ изэшlохын фэгъэхьыгъэ лъэубэкъу гъэнэфагъэхэр непэ зэрадзыхэрэр къыlуагъ Лlымыщыкъо Рэмэзан.
lофыгъоу зытегущыlэхэрэм фэгъэхьыгъэ упчlэу бэ хьакlэхэм къаlатыгъэхэр. Упчlэ пэпчъ джэуап зэгъэфагъи къатыжьыгъ. Зэlукlэгъум ыкlэм районым щыпсэухэрэм ацlэкlэ Адыгеим ицlыф анахь гъэшlуагъэхэм «тхьашъуе-гъэпсэу» ариlожьыгъ Кощхьэблэ районым ипащэу Хьамырзэ Заур. Лъэпкъыбзэми лъэпкъ хабзэми якъызэте-гъэнэн районым щыпсэухэрэм яlахьэ зэрэхалъхьа-щтымкlи ащ хьакlэхэр къыгъэгугъагъэх.
Сихъу СултIан.