Настройки отображения

Размер шрифта:
Цвета сайта
Изображения

Настройки

Кошехабльские

Вести

Все новости   /

ЗэдэIэпыIэжьхэзэ мэлажьэх

11:45 - 18.05.2022

Къуаджэу Фэдз щыпсэурэ Къушъхьэ Къэсэй къыгъэшIагъэм шоферэу колхозым щылэжьагъ. Хьылъэзещэ машинэмкIэ лэжьыгъэр зэрищэщтыгъэ, игъом колхозникхэм ящыкIэгъэщтыр къанигъэсыщтыгъэ.
Колхоз щыIакIэр зызэпэум ыужи хъулъфыгъэм ыIэ ридзыхыгъэп – адырэ икъоджэгъубэхэм афэдэу иунагъо къытефэжьыгъэ чIыгу бзыгъэхэм ялэжьын ыуж ихьагъ.
- Коцыр, натрыфыр, хьар – ары анахьэу сылэжьырэр, – къеIуатэ Къэсэй. - Джы, мары, тыгъэгъазэм ипхъын чIыгур фэтэгъэхьазыры. Тхьаегъэпсэух сикъоджэгъухэр - техникэ симыIэми зыщысищыкIагъэм сыщагъакIэрэп, ежьхэри къыздэIэпыIэх.
Мы гущыIэхэр къыгъэшъыпкъэжьыгъэх чIыгур зыулъэшъоущтыгъэ Ахъмэт Рустем (сурэтым итыр).
- Тракторыр зиер Чыржьын Заур. Ащ илъэситIум ехъугъэу сэ сыдэлажьэ, - еIо кIалэм. - Къэсэй IэпыIэгъу зэрищыкIагъэр зэтэшIэм тыблэкIын тлъэкIыгъэп.
Джаущтэу зэдэIэпыIэжьхэзэ цIыфыбэмэ чIыгур щалэжьы къуаджэм. Арышъ, ащ фэдэ зыкIыныгъэ тапэкIи яIэнэу, алэжьырэр бэгъо зэпытэу псэунхэу тафэлъаIо Фэдз икъоджэдэсхэм!
Сихъу СултIан.
Сурэтыр тезыхыгъэр ФэкъолI Хьамед.